آيساف ځواكونه وايي چې لوى قومندان يې د پاکستان د پوځ له مشر سره د افغانستان په اړه خبرې کړې دي. پژواك خبري آژانس په کابل کې د ايساف ځواکونو د يوې خبرپاڼې له قوله ويلي، چې دا ليدنه پرون د جنرال جوزېف ډنفورډ او پاکستان د پوځ د مشر جنرال
آيساف ځواكونه وايي چې لوى قومندان يې د پاکستان د پوځ له مشر سره د افغانستان په اړه خبرې کړې دي.
پژواك خبري آژانس په کابل کې د ايساف ځواکونو د يوې خبرپاڼې له قوله ويلي، چې دا ليدنه پرون د جنرال جوزېف ډنفورډ او پاکستان د پوځ د مشر جنرال اشفاق کياني ترمنځ د پاکستان په راولپنډۍ ښار کې ترسره شوه.
جنرال ډنفورډ ويلي، چې د پاکستان د پوځ له مشر سره يې د امنيتي ګواښونو، د اړيکو پر پياوړتيا خبرې وکړې او پرېکړه يې وکړه، چې د افغانستان، پاکستان او ايساف ګډه همکاري د سيمې د ثبات لپاره مهمه ده.
يو شمېر پاكستاني رسنيو د پوځ د سرچينو په حواله خبر ورکړى، چې د دې ليدنې پر مهال له افغانستان څخه د پاکستان له لارې د ناټو ځواکونو د وتلو په اړه هم خبرې شوې دي.
کلید ګروپ په ټویټر او فیسبوک کې وګورئ
