عراقي چارواكي وايي، د دغه هېواد مرکزي او جنوبي سيمو کې پرون يو لړ چاودنو له اويا زيات كسان وژلي او څه دپاسه دوه سوه نور يې ټپيان كړي دي. تر ټولو ناوړه بريدونه په پايتخت بغداد کې وو، چې د شيعه مېشتو سيمو د بسونو تمځايونو او بازراونو کې ۹ چاودنې وشوې.
عراقي چارواكي وايي، د دغه هېواد مرکزي او جنوبي سيمو کې پرون يو لړ چاودنو له اويا زيات كسان وژلي او څه دپاسه دوه سوه نور يې ټپيان كړي دي.
تر ټولو ناوړه بريدونه په پايتخت بغداد کې وو، چې د شيعه مېشتو سيمو د بسونو تمځايونو او بازراونو کې ۹ چاودنې وشوې.
د رپوټونو له مخې، ۸ تنه ايراني زيارتيان هم د وژل شويو په ډله كې دي.
لا تر اوسه هېڅ ډلې نه دي ويلي، چې دغه بريدونه يې ترسره کړي دي، خو د اکثريت شيعه ګانو، چې د حکومت مشري کوي او سني اقليت ترمنځ ترينګلتيا له تېر کال راهيسې په لوړېدو ده.
سني لاريونيانو د لومړي وزير نوري المالکي حکومت د دوى پر وړاندې په توپيري چلند تورن کړى، خو حکومت دا تورونه رد کړي دي.
کلید ګروپ په ټویټر او فیسبوک کې وګورئ
