د اوټ لوك په نامه هندي رسنۍ د هند د بهرنيو چارو وزارت د وياند اكبرالدين له خولې ويلي، چې که افغانستان ترې د وسلو غوښتنه وکړي، نو غور به پرې وكړي.
د اوټ لوك په نامه هندي رسنۍ د هند د بهرنيو چارو وزارت د وياند اكبرالدين له خولې ويلي، چې که افغانستان ترې د وسلو غوښتنه وکړي، نو غور به پرې وكړي.
د سرچينې د معلوماتو له مخې، اکبر الدين پرون، په نوي ډيلي کې خبريالانو سره د خبرو پر مهال ويلي، چې افغانستان د هندوستان ستراتيژيک ملګرى هېواد دى او دواړه هېوادونه پر مهمو موضوعاتو د ستراتيژيک تړون د ميکانېزم له مخې خبرې کوي او هېواد به يې د پوځي تجهيزاتو په ګډون د افغانستان ځانګړو غوښتنو ته ځواب ووايي.
د جمهور رئيس كرزي وياند اېمل فيضي خبريالانو ته ويلي، ټاكل شوې ده چې جمهوررئيس كرزى د هند د جمهور رئيس په رسمي بلنه دغه هېواد ته سفر وكړي او د داوړو هېوادونو ترمنځ د اړيکو پر بېلابېلو اړخونو، د افغانستان د پوځي او ملکي بنسټونو د پياوړتيا، د سولې د بهير او د سيمه ييزو مسئلو په اړه له هندي چارواكو سره مذاكرات وكړي.
د يادونې ده ، چې هندوستان لومړى هېواد و، چې افغانستان ورسره دوه کاله مخکې ستراتيژيک تړون لاسليک کړ.
کلید ګروپ په ټویټر او فیسبوک کې وګورئ
