د پاکستان په کراچۍ ښار کې نامعلومو کسانو د عمران خان د تحريک انصاف ګوند د مېرمنو څانګې يوه مشره زهره شاهد حسين په ډزو ووژله. د تحريک انصاف ګوند مشر عمران خان د متحده قومي غورځنګ مشر الطاف حسين د دغې وژنې مسوول بللى، خو دغه غورځنګ د عمران خان ادعا رد کړې
د پاکستان په کراچۍ ښار کې نامعلومو کسانو د عمران خان د تحريک انصاف ګوند د مېرمنو څانګې يوه مشره زهره شاهد حسين په ډزو ووژله.
د تحريک انصاف ګوند مشر عمران خان د متحده قومي غورځنګ مشر الطاف حسين د دغې وژنې مسوول بللى، خو دغه غورځنګ د عمران خان ادعا رد کړې ده.
د تحريک انصاف سيمه ييز وياند دواخان وايي پر مېرمن زهره حسين د هغې د کور مخې ته د څو موټرسايكل سپرو له خوا بريد وشو، چې په خبره يې بريد كونكي په تېښته بريالي شوي دي.
د ځايي رسنيو د معلوماتو له مخې په کراچۍ کې نن سبا وضعيت ښه نه دى او تاوتريخوالى مخ په زياتېدو دى.
کلید ګروپ په ټویټر او فیسبوک کې وګورئ
