په قبايلي سيمې کورمه اېجنسۍ کې پرون له غرمې وروسته د جمعيت علماء اسلام په نوم د يوه مذهبي ګوند د ټاکنيز کمپاين پر غونډې چاودنه كې د وژل شويو كسانو شمېر اتلس تنو ته لوړ شوى دى.
په قبايلي سيمې کورمه اېجنسۍ کې پرون له غرمې وروسته د جمعيت علماء اسلام په نوم د يوه مذهبي ګوند د ټاکنيز کمپاين پر غونډې چاودنه كې د وژل شويو كسانو شمېر اتلس تنو ته لوړ شوى دى.
په کورمه اېجنسۍ کې يوه دولتي چارواکي محمد فضل رسنيو ته وويل، چې چاودنه د سيواک په سيمه کې
د ولسي جرګې د پخواني وکيل منير اورکزي په سياسي غونډه کې شوې ده.
د هغه په وينا، په دې چاودنه كې ٧٠ تنه ټپيان شوي هم دي.
يوې بلې امنيتي سرچينې پژواک ته ويلي، چې کېداى شي دا چاودنه د ځانمرګي بريد له كبله شوې وې، خو عيني شاهدان وايي، چې چاودېدونکي توکي د سټېج لاندې ځاى پر ځاى شوي وو.
سرچينه زياتوي، چې منير اورکزى له چاودنې روغ وتلى دى.
د پېښې مسووليت پاكستاني طالبانو پر غاړه اخيستى.
کلید ګروپ په ټویټر او فیسبوک کې وګورئ
