د خوندي او امن افغانستان لپاره د سيمه ييزې همکارۍ او امنيت په اړه د استانبول د پروسې د بهرنيو چارو وزيرانو د درېيم کنفرانس برخوالو پرون د الماتا اعلاميه لاسليک کړه.
د خوندي او امن افغانستان لپاره د سيمه ييزې همکارۍ او امنيت په اړه د استانبول د پروسې د بهرنيو چارو وزيرانو د درېيم کنفرانس برخوالو پرون د الماتا اعلاميه لاسليک کړه.
د افغانستان په اړه د استانبول د پروسې په نوم د وزيرانو غونډه تېره ورځ د قزاقستان په تجارتي مرکز الماتا کې جوړه شوه.
د قزاقستان د بهرنيو چارو وزير ايرلان ادريس اوف د غونډې په پاى کې خبريالانو ته وويل، د کنفرانس برخوالو د دې پخلى وکړ، چې له افغانستانه د نړيوالو ځواکونو تر وتلو مخکې او وروسته له دغه هېواد سره مرستو ته دوام ورکړي.
د نوموړي په وينا، د دغه کنفرانس تر څنګ تر پنځوسو زياتې دوه اړخيزې غونډې او ملاقاتونه وشول او د افغانستان او سعودي عربستان استازو په خپل منځ کې د دوه اړخيزو همکاريو موافقه لاسليک کړه.
د قزاقستان جمهوررئيس نورسلطان نظر بايف ټينګار وکړ، چې د منځنۍ اسيا په اقتصادي همکاريو کې به د افغانستان د ورګډولو لپاره لا فعال رول ادا کړي.
کلید ګروپ په ټویټر او فیسبوک کې وګورئ
