د اټومي انرژۍ نړيواله اداره پلان لري، چې د ايران د لانجمن اټومي پروګرام په اړه د پلټونو لپاره له تهران سره بيا خبرې پيل کړي. د يادې ادارې وياندې ګيل ټوډور پرون وويل، چې دواړه خواوې د خبرو اترو د پيل د ڼېتې په اړه سلا مشورې کوي.
د اټومي انرژۍ نړيواله اداره پلان لري، چې د ايران د لانجمن اټومي پروګرام په اړه د پلټونو لپاره له تهران سره بيا خبرې پيل کړي.
د يادې ادارې وياندې ګيل ټوډور پرون وويل، چې دواړه خواوې د خبرو اترو د پيل د ڼېتې په اړه سلا مشورې کوي.
خو نوموړې د ايراني رسنيو دا راپور نه دى تاييد كړى، چې ويلي يې دي، دواړه خواوې به د مې مياشتې په ۲۱مه په ويانا کې سره غونډه وکړي.
ايران او د اټومي انرژۍ نړيوالې ادارې په تېره فبرورۍ مياشت کې په خپلو کې غونډه وکړه، خو دواړه خواوې د ايران د اټومي پروګرام په اړه په دغه هېواد کې د پلټونو د څرنګوالي او اندازې په مسئله کې د اختلافونو له كبله موافقې ته ونه رسېدل.
کلید ګروپ په ټویټر او فیسبوک کې وګورئ
