د فلسطيني ادارې لومړي وزير سلام فياض استعفا ورکړې او فلسطيني جمهور رئيس محمود عباس منلې ده. د فلسطيني دولتي خبري اژانس (وفا) په رپوټ کې ويل شوي، چې جمهور رئيس محمود عباس له سلام فياض نه د نوي حکومت تر جوړېدو د سرپرست
د فلسطيني ادارې لومړي وزير سلام فياض استعفا ورکړې او فلسطيني جمهور رئيس محمود عباس منلې ده.
د فلسطيني دولتي خبري اژانس (وفا) په رپوټ کې ويل شوي، چې جمهور رئيس محمود عباس له سلام فياض نه د نوي حکومت تر جوړېدو د سرپرست لومړي وزير په توګه د کار کولو غوښتنه کړې.
تمه کېږي، چې عباس په راتلونکو څو ورځو کې د نوي لومړي وزير نوم اعلان کړي.
د رپوټونو له مخې، د فياض استعفا د ده او جمهور رئيس عباس ترمنځ له اوږدې مودې راهيسې د ژور اختلاف پايله ده.
د دواړو ترمنځ هغه وخت اختلاف زور واخيست، چې تېره مياشت د ماليې وزير نبيل قسيس استعفا ورکړه.
سلام فياض د قسيس استعفا منلې، خو جمهور رئيس عباس رد کړې وه.
کلید ګروپ په ټویټر او فیسبوک کې وګورئ
