له انډونيزيا څخه د اسټراليا په لورې د لسګونه ناقانونه کډوالو روانه کښتۍ په بحر كې ډوبه شوې، چې له ډلې يې ١٤ افغانان ژغورل شوي او ګڼ شمېر نور ورک دي.
له انډونيزيا څخه د اسټراليا په لورې د لسګونه ناقانونه کډوالو روانه کښتۍ په بحر كې ډوبه شوې، چې له ډلې يې ١٤ افغانان ژغورل شوي او ګڼ شمېر نور ورک دي.
اسوشيېټېډ پرېس خبري اژانس نن د انډونيزيا د امنيتي چارواکو په حواله خبر ورکړى، چې دا پېښه پرون د لوېديځ جاوا د سوکابومي په سيمه کې رامنځته شوې ده.
سرچينې زياته کړې، اسټراليا ته د تلونكو ناقانونه کډوالو يوه کښتۍ په بحر کې ډوبه شوې ده، چې له كبله يې شاوخوا ٧٢ تنه غرق شوي وو.
د رپوټونو له مخې، د ژغورنې کارکوونکو ١٤ تنه افغان پناه غوښتونكي ژغورلي او پاتې نور، چې پکې يو شمېر افغانان او د نورو هېوادونو اوسېدونکي دي، په اوبو کې ورک دي.
بايد وويل شي، چې هر کال د ګڼ شمېر افغانانو په ګډون لسګونه ناقانونه کډوال اسټراليا ته د سفر پر مهال په بحر كې غرقېږي.
کلید ګروپ په ټویټر او فیسبوک کې وګورئ
