د ايران بوشهر ښار ته نژدې، چې د دغه هېواد د اټومي انرژۍ يوازينۍ بټۍ په کې ده، تېره ورځ زلزلې لږترلږه ۳۷ تنه وژلي او څه د پاسه ۸۵۰ نور يې ټپيان کړي دي.
د ايران بوشهر ښار ته نژدې، چې د دغه هېواد د اټومي انرژۍ يوازينۍ بټۍ په کې ده، تېره ورځ زلزلې لږترلږه ۳۷ تنه وژلي او څه د پاسه ۸۵۰ نور يې ټپيان کړي دي.
د رېختر په کچه ۶ اعشاريه ۳ درجې زوروره زلزله تر دوبۍ، ابوظبۍ او بحرين پورې لرې هم احساس شوې ده.
د ايران د سرې مياشتې اداره وايي، چې دوه کلي په بشپړه توګه ويجاړ شوي دي.
د امريکا د ځمک پېژندنې ادارې ويلي، زلزلې په بوشهر کې د ايران د اټومي انرژۍ د يوازينۍ بټۍ، جنوب لور ته ۹۰ کيلو مټره لرې سيمه لړزولې ده.
خو ايراني چارواکو ويلي، اټومي بټۍ نه ده اغېزمنه شوې او په عادي توګه کار کوي.
د يادونې وړ ده، چې په ۲۰۰۳ کال کې، چې په بام ښار کې زلزله وشوه، څه د پاسه ۲۵ زره كسان يې ووژل.
کلید ګروپ په ټویټر او فیسبوک کې وګورئ
