د نړۍ د ګڼ شمېر هېوادونو مشرانو د بريتانيا د پخوانۍ لومړۍ وزيرې مارګرېټ ټاچر پر مړينې خواشيني څرګنده کړې ده. د امريکا جمهوررئيس بارك اوباما او د اروپا او پخواني شوروي اتحاد مشرانو مارګرېټ ټاچر د يوې سترې سياستوالې او زړورې او هوښيارې مېرمن په نوم ياده
د نړۍ د ګڼ شمېر هېوادونو مشرانو د بريتانيا د پخوانۍ لومړۍ وزيرې مارګرېټ ټاچر پر مړينې خواشيني څرګنده کړې ده.
د امريکا جمهوررئيس بارك اوباما او د اروپا او پخواني شوروي اتحاد مشرانو مارګرېټ ټاچر د يوې سترې سياستوالې او زړورې او هوښيارې مېرمن په نوم ياده کړې ده.
نوموړې پرون د ۸۷ کالو په عمر له يوې مغزي سکتې وروسته له نړۍ سترګې پټې کړې.
د بريتانيا لومړي وزير ډېوېډ کامرون د مارګرېټ ټاچر د مړينې په اړه وويل، چې دوى يوه مشره، يوه لومړۍ وزيره او ستره بريتانوۍ له لاسه وركړه.
مېرمن ټاچر د محافظه کار ګوند لومړۍ وزيره وه، چې له ۱۹۷۹ تر ۱۹۹۰ پورې يې دغه دنده تر سره کړه.
د بريتانيا د لومړي وزير دفتر ويلي، چې د مارګرېټ ټاچر مړى د پوځي مراسمو په ترسره کولو سره خاورو ته وسپارل شي.
کلید ګروپ په ټویټر او فیسبوک کې وګورئ
