جمهور رئيس حامد کرزي تېره ورځ په دوحه کې د قطر له امير حمد بن خليفه آل ثاني او نورو چارواکو سره د افغانستان د سولې په اړه له خبرو وروسته د خليج د سيمې د دغه کوچني هېواد دوه ورځنى سفر پاى ته ورساوه.
جمهور رئيس حامد کرزي تېره ورځ په دوحه کې د قطر له امير حمد بن خليفه آل ثاني او نورو چارواکو سره د افغانستان د سولې په اړه له خبرو وروسته د خليج د سيمې د دغه کوچني هېواد دوه ورځنى سفر پاى ته ورساوه.
جمهور رئيس كرزي ته د قطر امير، چې هېواد يې د طالبانو د استازو کوربه دى، ژمنه ورکړه چې په افغانستان کې به د سولې او ثبات د ټينګېدو په برخه کې تروسه وسه مرسته وکړي.
جمهور رئيس حامد کرزي قطري امير ته ويلي، افغانستان هيله لري، چې قطر به د طالبانو او د افغانستان د سولې د عالي شورا ترمنځ د خبرو لار اواره کړي.
دوحې ته د جمهور رئيس کرزي له سفر سره په يووخت وسله والو طالبانو وويل، چې دوى به له حامد کرزي سره خبرې ونه کړي او په قطر کې د طالبانو د دفتر د پرانيستنې مسئله هم د افغانستان له حکومت سره تړاو نه لري.
د جمهور رئيس کرزي وياند اېمل فيضي ويلي، چې د جمهور رئيس حامد کرزي په مشرۍ افغان پلاوي په قطر کې له طالبانو سره خبرې نه دي کړي
نوموړي د دوحې د سفر هدف له قطري چارواکو سره سلامشوره بللې ده.
کلید ګروپ په ټویټر او فیسبوک کې وګورئ
