د وېنزويلا جمهوررئيس هوګو چاوېز، چې د سرطان ناروغۍ له كبله تر درملنې لاندې و، د ۵۸ کلونو په عمر مړ شوی دی.
د ده د مړينې اعلان مرستيال جمهوررئيس نيکولاس مدورو وکړ.
د وېنزويلا جمهوررئيس هوګو چاوېز، چې د سرطان ناروغۍ له كبله تر درملنې لاندې و، د ۵۸ کلونو په عمر مړ شوی دی.
د ده د مړينې اعلان مرستيال جمهوررئيس نيکولاس مدورو وکړ.
هوګو چاوېز له څه باندې يو کال راهيسې د سرطان په ناروغۍ اخته و او څو ځله يې په کيوبا کې عمليات کړي وو.
چاوېز له هغه راهيسې، چې تېره مياشت په کيوبا کې د سرطان ناروغۍ تر درملنې وروسته خپل هېواد وېنزوېولا ته ستون شوی، په عامه ځای کې نه و ښکاره شوی.
د مرګ اعلان يې مرستيال نيکولاس مدورو په داسې حال کې، چې احساساتي ښکارېده او د وينزوېلا مخور سياستوال او پوځي مشران ترې راتاو وو، د سې شنبې پر ځايي وخت ماښام وکړ.
د وينزوېلا د اساسي قانون له مخې به د کانګرېس مشر ډيوسډاډو کابېلو له ټولټاکنو مخکې د منځمهالي جمهوري رياست دنده پر غاړه اخلي.
کلید ګروپ په ټویټر او فیسبوک کې وګورئ
