د چاد پوځ اعلان کړى، چې په مالي كې د القاعدې پخوانى مشر مختار بلمختار وژل شوى دى. د نوموړي د وژل کېدو خبر د چاد ملي تلوېزيون هم خپور کړى، خو نورو سرچينو لا نه دى تاييد کړى.
د چاد پوځ اعلان کړى، چې په مالي كې د القاعدې پخوانى مشر مختار بلمختار وژل شوى دى.
د نوموړي د وژل کېدو خبر د چاد ملي تلوېزيون هم خپور کړى، خو نورو سرچينو لا نه دى تاييد کړى.
د چاد پوځ د فرانسې په مشرۍ له نړيوالو ځواکونو سره اوږه په اوږده په مالي کې د اسلامپالو سخت دريځو پرضد جنګېږي.
اټکل دى، چې بلمختار، په تېره جنورۍ کې د الجزاير عين اميناس ګازو فابريکه کې بريد سمبال کړى و، چې لږترلږه ۳۷ تښتول شوي كسان په کې ووژل شول.
د چاد د پوځ اعلاميه وايي، چې له بلمختار سره د سخت دريځو اسلامپالو ځينې نور مشران هم وژل شوي دي.
د اعلاميې له مخې، له اسلامپالو سخت دريځو نژدې ۶۰ موټر او پوځي توکي پوځ ته په لاس ورغلي دي.
کلید ګروپ په ټویټر او فیسبوک کې وګورئ
