فرانسې تاييد كړه، چې ددغه هېواد ۷ تنه سيلانيان د نايجيريا پولې ته نږدې د کاميرون هېواد په شمال کې د وسله والو له خوا تښتول شوي دي. د فرانسې جمهوررئيس فرانسوا هولانډ ويلي، ګمان کوي، چې دغه فرانسويان د يوې تروريستې ډلې له خوا چې مرکز يې په نايجيريا کې دى، تښتول شوي
فرانسې تاييد كړه، چې ددغه هېواد ۷ تنه سيلانيان د نايجيريا پولې ته نږدې د کاميرون هېواد په شمال کې د وسله والو له خوا تښتول شوي دي.
د فرانسې جمهوررئيس فرانسوا هولانډ ويلي، ګمان کوي، چې دغه فرانسويان د يوې تروريستې ډلې له خوا چې مرکز يې په نايجيريا کې دى، تښتول شوي دي.
د هغه په وينا، د يادو ۷ كسانو له ډلې څلور يې ماشومان او د يوې كورنۍ غړي دي.
له کومې ورځې، چې فرانسوي ځواکونه د مالي په شمال کې د اسلام پالو وسله والو د لرې کولو په هدف دغه افريقايي هېواد ته استول شوي، پر فرانسوي اتباعو او هدفونو د بريدونو خطرونه زيات شوي دي.
کلید ګروپ په ټویټر او فیسبوک کې وګورئ
