د امريکا متحده ايالات وايي، چې له افغانستان سره په کېدونکي امنيتي تړون کې د ځواکونو د شمېر ذکر نه کېږي. د ناټو لپاره د امريکا د متحده ايالاتو دايمي سفير ډالډير (Ivo H. Daalder) پرون په بروکسل کې د افغانستان د رسنيو له اېډېټرانو سره په ناسته کې وويل،
د امريکا متحده ايالات وايي، چې له افغانستان سره په کېدونکي امنيتي تړون کې د ځواکونو د شمېر ذکر نه کېږي.
د ناټو لپاره د امريکا د متحده ايالاتو دايمي سفير ډالډير (Ivo H. Daalder) پرون په بروکسل کې د افغانستان د رسنيو له اېډېټرانو سره په ناسته کې وويل، چې په امنيتي تړون کې به له ۲۰۱۴ کال وروسته د امريکايي ځواکونو حضور، رول او هغه ځايونه چې دوى به پكې مېشت وي روښانه شي، خو د شمېر د کچې په اړه، چې څومره به وي، يادونه نه کېږي.
د هغه په وينا، په دغه تړون کې به د امريکا د متحده ايالاتو د دوو مهمو رولونو، چې له افغان ځواکونو سره د امنيت په ټينګښت کې مرسته او د هغوی روزنه ده، ټول جزيات وليکل شي.
ډالډير افغان امنيتي ځواکونو ته د قدرت د انتقال بهير کامياب وباله او ويې ويل، چې نږدې ۹۰ په سلو کې د افغان مېشتو سيمو امنيت خپله د افغان ځواكونو پرغاړه دی او په راتلونکي پسرلي کې به د ټولې خاورې امنيت د افغانان ځواکونو پرغاړه وي.
کلید ګروپ په ټویټر او فیسبوک کې وګورئ
