اروپايي ټولنې پر شمالي کوريا خپل بنديزونه نور هم سخت كړل. دغې ټولنې دغه پرېكړه د شمالي کوريا د تېرې اونۍ د اټومي ازموينې په غبرګون كې كړې ده.
اروپايي ټولنې پر شمالي کوريا خپل بنديزونه نور هم سخت كړل.
دغې ټولنې دغه پرېكړه د شمالي کوريا د تېرې اونۍ د اټومي ازموينې په غبرګون كې كړې ده.
د اروپايي ټولنې د بهرنيو چارو وزيرانو پرون په بروکسل کې په خپله غونډه کې پرشمالي کوريا د بنديزونو په سختولو موافقه وکړه.
د دغو نويو بنديزونو له مخې، شمالي کوريا ته د هغو اساسي موادو صارول بنديږي، چې ګمان کيږي د دې هېواد په توغندويو او مالي سکټورونو پورې تړاو لري.
نړيوالې ټولنې په پراخه كچه د شمالي کوريا له خوا د فبرورۍ په دولسمه نېټه د درېيمې اټومي ازموينې غندنه كړې ده.
د اروپايي ټولنې د ماليو وزيرانو هم په يوې اعلاميه کې ويلي، چې شمالي کوريا يو ځل بيا د ځان د ګوښه کولو او پاروونکو اعمالو لاره غوره کړې ده.
کلید ګروپ په ټویټر او فیسبوک کې وګورئ
