پاکستان له بريتانيا څخه غوښتي، چې په افغانستان کې د هند فعاليتونه محدود کړي. هندي ورځپاڼه ټايمز اف انډيا وايي، چې د پاکستان غوښتنې ته د بريتانيا د ځواب په اړه څه نه دي ويل شوي، خو ډيپلوماټيکې سرچينې وايي، چې پخلاينې
پاکستان له بريتانيا څخه غوښتي، چې په افغانستان کې د هند فعاليتونه محدود کړي.
هندي ورځپاڼه ټايمز اف انډيا وايي، چې د پاکستان غوښتنې ته د بريتانيا د ځواب په اړه څه نه دي ويل شوي، خو ډيپلوماټيکې سرچينې وايي، چې پخلاينې ته د طالبانو د حاضرولو په مقابل کې پاکستان په افغانستان کې د هند د رول او فعاليتونو د کمېدو غوښتونکى دى.
د يادې ورځپاڼې په وينا، ښايي د راتلونکې سې شنبې په ورځ د بريتانيا لومړى وزير ډېوېډ کامرون له خپل هندي سيال من موهن سينګ سره په کتنه کې د افغانستان او پاکستان ترمنځ پر همکارۍ او له طالبانو سره پر پخلاينې خبرې وکړي.
د بريتانيا لومړى وزير هند ته وروسته له دې په رسمي سفر ځي، چې په لندن کې يې د افغانستان او پاکستان له جمهوررئيسانو سره مفصلې خبرې وکړې.
ډيپلوماتيکې سرچينې وايي، چې پاکستان د هند د رول د کمېدو غوښتنه د افغانستان، پاکستان او بريتانيا په وروستۍ درې اړخيزه سرمشريزه کې کړې وه.
کلید ګروپ په ټویټر او فیسبوک کې وګورئ
