د پاكستان د بلوچستان ايالت په مرکز کوټې ښار کې يوې زورورې چاودنې لږترلږه ۷۵ تنه وژلي او تر ۱۵۰ زيات يې ټپيان كړي دي. پوليس وايي، چاودنه تېر ماښام د هزاره ټاون په نوم د شيعه وو په مېنه کې له لرې د کنټرولېدونکي بم په وسيله شوې ده.
د پاكستان د بلوچستان ايالت په مرکز کوټې ښار کې يوې زورورې چاودنې لږترلږه ۷۵ تنه وژلي او تر ۱۵۰ زيات يې ټپيان كړي دي.
پوليس وايي، چاودنه تېر ماښام د هزاره ټاون په نوم د شيعه وو په مېنه کې له لرې د کنټرولېدونکي بم په وسيله شوې ده.
ويل شوي، چې په وژل شويو او ټپيانو کې ماشومان او ښځې هم شاملې دي.
د ټپيانو د شمېر زياتوالي ته په پام سره وېره ده، چې د تلفاتو شمېر زيات شي.
د يو شمېر ټپيانو حال نازک دى ښودل شوى دى.
دا په تېرو پنځو اوونيو کې د کوټې په ۶ لکه کسيزه هزاره مېشته سيمه کې دويم لوی بريد دی، چې را منځ ته کېږي.
په همدې ښار د جنورۍ مياشتې په ۱۰ مه د سنوکر په يوه کلب کې دوه ځانمرګي بريدونه وشول، چې شاوخوا ۹۲ کسان يې ووژل او ۱۲۱ نور يې ټپيان کړل.
د هغو بريدونو پړه د لشکر جنګوي ډلې پر غاړه اخيستې وه او د پرونۍ چاودنې پړه هم همدې ډلې منلې ده.
کلید ګروپ په ټویټر او فیسبوک کې وګورئ
