په مصر کې پرون زرګونو اسلامپالو د ”په ګډه د تاوتريخوالي پرضد“ په نوم د جمهور رئيس محمد مُرسي په پلوۍ لاريون وکړ. دغه لاريون د سلفي اسلامي ډلې “جماعة الاسلاميه” له خوا رابلل شوى و او په كې د مرسي د مخالفينو لخوا په رابلل شويو لاريونونو کې وروستى
په مصر کې پرون زرګونو اسلامپالو د ”په ګډه د تاوتريخوالي پرضد“ په نوم د جمهور رئيس محمد مُرسي په پلوۍ لاريون وکړ.
دغه لاريون د سلفي اسلامي ډلې “جماعة الاسلاميه” له خوا رابلل شوى و او په كې د مرسي د مخالفينو لخوا په رابلل شويو لاريونونو کې وروستى تاوتريخوالى هم وغندل شو.
د مرسي اخوان المسلمين ګوند وايي، يوازې په سمبوليک ډول د پروني لاريون ملاتړ کوي.
د تېرې مياشتې په وروستيو کې په مصر کې د ناکراريو له کبله شاوخوا ٦٠ تنه وژل شوي دي.
دغه تاوتريخوالى وروسته له هغې پيل شو، چې د وروستي پاڅون د دويمې کليزې پر مهال د مرسي د پاليسيو پرضد پراخ اعتراضونه وپارېدل.
د دې پاڅون له کبله پخوانى جمهور رئيس حسنې مبارک له واکه لرې شو.
کلید ګروپ په ټویټر او فیسبوک کې وګورئ
