د هندوستان د کومب مېلې پرمهال په ټېل ماټېل کې لږترلږه ۳۶ تنه وژل شوي او لسګونه نور ټپيان دي. د هند د رېلوې وزير پاون بنسال Pawan Bansal وويل، ګډوډي پرون ماښام وروسته له هغه پېښه شوه، چې د ډېرو زياتو خلکو څپه د الله آباد اورګاډو د اډې
د هندوستان د کومب مېلې پرمهال په ټېل ماټېل کې لږترلږه ۳۶ تنه وژل شوي او لسګونه نور ټپيان دي.
د هند د رېلوې وزير پاون بنسال Pawan Bansal وويل، ګډوډي پرون ماښام وروسته له هغه پېښه شوه، چې د ډېرو زياتو خلکو څپه د الله آباد اورګاډو د اډې خواته وخوځېده.
د راپورونو له مخې د پېښې پرمهال په سټېشن کې زرګونه کسان ولاړ وو.
تمه ده په دې مراسمو کې شاوخوا دېرش ميليونه کسان خپل ځانونه د سنګم سيند په اوبو کې چې د ګنګا، جمنا او اساطيري سرسوتي سيندونو د يوځاى کېدو ټکى دى، پرېمينځي.
په هرو ۱۲ کلونو د هند په شمالي الله اباد ښار کې لسګونه ميليونه زيارت کوونکي پر يوه ځاى د مذهبي مېلې لمانځلو لپاره راغونډېږي.
هندوان په دې عقيده دي، چې په ګنګا سيند کې لمبل د دوى ګناوې پاکوي.
کلید ګروپ په ټویټر او فیسبوک کې وګورئ
