د خوست د قلندر او موسی خېلو ولسواليو لسګونه ځوانان، له دولتي چارواكو غواړي چې په خپلو ولسواليو كې د امنيت چارې ور وسپاري. د يادو ولسواليو ځوانان چې دوه اوونۍ مخکې، د خوست امنیه قومندانۍ ته د شكايت لپاره ورغلي وي، امنيه قومندان ته له دې كبله شكايت وكړ چې د نا
د خوست د قلندر او موسی خېلو ولسواليو لسګونه ځوانان، له دولتي چارواكو غواړي چې په خپلو ولسواليو كې د امنيت چارې ور وسپاري.
د يادو ولسواليو ځوانان چې دوه اوونۍ مخکې، د خوست امنیه قومندانۍ ته د شكايت لپاره ورغلي وي، امنيه قومندان ته له دې كبله شكايت وكړ چې د نا امنيو له كبله له خپلو كورونو نه شي وتلى.
د موسی خېلو ولسوالۍ یوه زلمي نیازمحمد کلید ته وویل: (( موږ د دې لپاره امنیه قومندانۍ ته ورغلي وو، څو امنيتي چارواكي زموږ په سیمه کې د ناامنیو مخه ونيسي، يا موږ ته امنيتي چارې راوسپاري.))
نوموړي زیاته کړه: (( زموږ په سیمه کې د ګاونډيو هېوادونو په لاسوهنه امنیت ورځ تربلې خرابيږي او د سیمې ډیری ځوانان مو ووژل شول.))
د ده په وینا، دوی دې تیار دي چې د خپلې سیمې امنیت په خپله ټینګ کړي: (( كه دولت دا كار نه شي كولى، نو موږ دې ته اماده يو، خو د دولت همکاري ضروري ده.))
د قلندر ولسوالۍ اوسېدونکي احمدشاه ګل بیا د دې ترڅنګ چې د امنیت راوستو غوښتنه کوله، دا هم وویل چې تراوسه یې په سیمه کې د ناامنۍ له كبله هېڅ پروژه نه ده پلې شوې.
نوموړی له امنیتي مسوولینو غواړي چې په امنیتي لیکو کې زمینه ورته برابره کړي.
د دې ولسوالۍ یوه بل اوسېدونکی نسیم خان د څرګندونو له مخې، د دوی په ولسوالۍ کې ښوونځي نشته او ځوانان له زده كړو پاتې دي: (( ناروغان مو په لاره کې مري کې، مخالفین مو هېڅ كار ته نه پريږدي.))
د خوست امنیه قومندان دا مني چې په دغو ولسواليو كې ستونزې شته، خو ژمنه کوي چې له دغو زلمیانو سره به همکاري کوي.
د خوست امنیه قومندان عبدالقیوم باقي زوی کلید ته وویل: (( دغه خلك په خپلو ولسواليو كې له اوسنۍ وضعې په تنګ شوي، نو ځکه یې موږ ته مراجعه وکړه.))
کلید ګروپ په ټویټر او فیسبوک کې وګورئ
