امريكا له ۲۰۱۴ کال وروسته په افغانستان کې په کافي اندازه سرتېري پرېږدي. دغه څرګندونې د امريکا لوى درستيز جنرال مارټين ډيمپسي تېره ورځ په جرمني کې خبريالانو سره د خبرو پر مهال کړې دي.
امريكا له ۲۰۱۴ کال وروسته په افغانستان کې په کافي اندازه سرتېري پرېږدي.
دغه څرګندونې د امريکا لوى درستيز جنرال مارټين ډيمپسي تېره ورځ په جرمني کې خبريالانو سره د خبرو پر مهال کړې دي.
د رويټرز خبري اژانس د رپوټ له مخې، جنرال ډيمپسي ويلي، باوري دى، چې جمهوررئيس بارک اوباما به په افغانستان کې په کافي اندازه د سرتېرو د پاتې کېدو اعلان وکړي.
خو د نوموړي په وينا، دا لا نده معلومه، چې جمهوررئيس اوباما به دغه اعلان په راتلونکو څو ورځو کې ولس ته د وينا پر مهال وكړي او که تر هغې وروسته؟
ټاکل شوې ده، چې تر ۲۰۱۴ کال وروسته ټول جګړه ييز امريکايي ځواکونه له افغانستان څخه ووځي، خو امريکا وايي، چې د ترهګرۍ پر ضد د مبارزې او افغان ملي ځواکونو د روزنې لپاره به يو شمېر سرتېري پرېږدي، خو د شمېرې په اړه يې تر اوسه پرېکړه نه ده شوې.
کلید ګروپ په ټویټر او فیسبوک کې وګورئ
