د هلمند ولايت په مركز لښكرګاه كې د ډنمارك هېواد په مالي لګښت دوه زره زده كوونكو لپاره د ليليې ودانۍ جوړې شوې. د پوهني وزير ډاكتر محمد فاروق وردګ نن په لښكرګاه كې د دغو ودانيو د پرانيستې پرمهال وويل، چې دغه شپږ بلاكه ليليې يې د ناامنو سيمو زده كوونكو لپاره جوړې كړې،
د هلمند ولايت په مركز لښكرګاه كې د ډنمارك هېواد په مالي لګښت دوه زره زده كوونكو لپاره د ليليې ودانۍ جوړې شوې.
د پوهني وزير ډاكتر محمد فاروق وردګ نن په لښكرګاه كې د دغو ودانيو د پرانيستې پرمهال وويل، چې دغه شپږ بلاكه ليليې يې د ناامنو سيمو زده كوونكو لپاره جوړې كړې، خو پلان لري، چې دوى ته په خپلو سيمو كې د زده كړې زمينه برابره كړي.
وردګ زياته كړه، دغه ودانۍ د ډنمارك هېواد په مالي مرسته د ۱۵۰ ميليونه افغانيو په ارزښت په عصري ډول جوړې شوي، چې د جوړېدو چارې يې په درېيو كالو كې بشپړې شوې.
د نوموړي په وينا، يادو زده كوونكو ته د ليليو د بلاكونو تر څنګ په څلورو بلاكونو كې پر خوړنځاى سربېره نور هغه امكانات هم په پام كې نيول شوي، چې دوى ورته اړتيا لري.
په ورته وخت كې د هلمند د پوهنې رئيس محمد نسيم ساپى وايي، دغه ليليې د دوه زره زده كوونكو لپاره جوړې شوي، چې نيمايي برخه يې د ښـځينه وو لپاره ځانګړې شوې او د امنيت په څه ناڅه سمېدو سره اوس مهال يواځې ٧ سوه زده کوونکو ته د ليليې امکانات په واک کې ورکړل شوي دي.
ده زياته كړه، د ليليې لپاره هر بلاك ۴۵ خونې لري اوپه درېيو پوړونو كې له ټولو امكاناتو سره جوړ شوي دي.
کلید ګروپ په ټویټر او فیسبوک کې وګورئ
