پاکستاني رسنيو د دغه هېواد د شمال لوېديځ د امنيتي ځواکونو له قوله پرون ناوخته وويل، چې د افغانستان له لوري د هاوان ۳۰ مرميو په قبايلي سيمو کې لږ ترلږه شپږ سخت دريځي ووژل.
پاکستاني رسنيو د دغه هېواد د شمال لوېديځ د امنيتي ځواکونو له قوله پرون ناوخته وويل، چې د افغانستان له لوري د هاوان ۳۰ مرميو په قبايلي سيمو کې لږ ترلږه شپږ سخت دريځي ووژل.
د پاکستاني رسنيو د راپور له مخې، د هاوان مرمۍ د جنوبي وزيرستان پر انګور اډې ولګېدې، چې سخت دريځي پکې مهم مرکزونه لري.
د پاکستان يوه امنيتي چارواکي د افغانستان له خوا بريد تاييد كړى او ويلي يې دي، چې په دې بريد كې ه د مولوي نذير پلوي طالبان وژل شوي دي.
د دې ډلې موسس مولوي نذير د تېرې جنورۍ مياشتې په لومړيو کې د جنوبي وزيرستان په مرکز واڼه کې د امريکا د بې پېلوټه الوتکې په بريدکې وژل شوى و.
د مولوي نذير ډله د پاکستان د حکومت پرضد نه جنګېږي او ظاهراً يې له پاکستان سره اوربند کړى، خو د افغانستان پر ضد جګړه کوي.
کلید ګروپ په ټویټر او فیسبوک کې وګورئ
