رپوټونه وايي، چې عراقي سرتېرو په فلوجه ښار کې پر حکومت ضد لاريون كوونكو ډزې کړي، پنځه تنه يې وژلي او له شلو ډېر نور يې ټپيان کړي دي. چارواکي وايي، سرتېرو وروسته له هغه پر لاريون كوونكو د ټوپک خولې ور واړولې، چې پر دوى يې د تيږو او اوبو د بوتلو وارونه وکړل.
رپوټونه وايي، چې عراقي سرتېرو په فلوجه ښار کې پر حکومت ضد لاريون كوونكو ډزې کړي، پنځه تنه يې وژلي او له شلو ډېر نور يې ټپيان کړي دي.
چارواکي وايي، سرتېرو وروسته له هغه پر لاريون كوونكو د ټوپک خولې ور واړولې، چې پر دوى يې د تيږو او اوبو د بوتلو وارونه وکړل.
دا د شيعه حکومت پر وړاندې په زياتو ګڼ مېشته سني ښارونو کې د لاريونونو د مخ په زياتېدونکو څپو د لړۍ وروستي هغه دي.
په بله پېښه کې په فلوجه کې وسله والو د پوځ پر ګزمه بريد کړی او د رپوټونو له مخې، درې سرتېري يې وژلي دي.
له ډسمبر مياشتې راهيسې زرګونه سنيان د شيعه لومړي وزير نوري المالکي د حکومت پرضد اعتراضونه کوي.
دوی تور لګوي، چې حکومت دوی په سياسي لحاظ څنډې ته کړي او سنيان ځوروي.
کلید ګروپ په ټویټر او فیسبوک کې وګورئ
