د مصر په سويس ښار کې د اعتراض کوونکو او پوليسو ترمنځ اخ و ډب کې لږ تر لږه پنځه کسان په ډزو وژل شوي او د دې هېواد په نورو برخو کې تر ۳۰۰ زيات کسان ټپيان شوي هم دي.
د مصر په سويس ښار کې د اعتراض کوونکو او پوليسو ترمنځ اخ و ډب کې لږ تر لږه پنځه کسان په ډزو وژل شوي او د دې هېواد په نورو برخو کې تر ۳۰۰ زيات کسان ټپيان شوي هم دي.
د رپوټونو له مخې، دا لا څرګنده نه ده، چې پروني وژل شوي کسان د امنيتي ځواکونو غړي او که ولسي خلک دي.
دا تاوتريخوالی په داسې حال کې پېښ شوى، چې لاريون كوونكو د ۲۰۱۱ميلادي کال د انقلاب، چې په نتيجه کې يې د پخواني جمهوررئيس حسنې مبارک د اوږدې مودې واکمني نسکوره شوه، دويمه کاليزه لمانځله.
اعتراض کوونکي د اوسني جمهوررئيس محمد مرسي مخالفت کوي او وايي، د حسنې مبارک پر وړاندې د پاڅون ډيموکراسي پلوه اهداف نه دي ترلاسه شوي.
کلید ګروپ په ټویټر او فیسبوک کې وګورئ
