رپوټونه وايي، چې د تهران د اټومي پروګرام پر سر د ايران او شپږو سترو طاقتونو ترمنځ خبرې ښايي نورې هم وځنډېږي.
يوه اروپايي ډيپلومات پرون د نوم د نه ښودلو په شرط ويلي، ډېر احتمال دا دی، چې د خبرو دويم پړاو د جنورۍ پرځای په راروانه ميلادي مياشت کې ترسره شي.
كه څه هم د اروپايي ټولنې ډيپلوماتان او ايراني چارواکي له څو مياشتو راهيسې د خبرو د نوي پړاو پر تنظيمولو خبرې اترې کوي، خو د اروپايي ټولنې چارواکي وايي، چې ايران د نېټې او ځای په ټاکلو کې ځنډ راولي.
اروپايي ټولنه د امريکا، چين، روسيې، بريتانيا، فرانسې او جرمني په استازيتوب د دغو خبرو منځګړيتوب کوي.
