د لغمان په دوو ولسوالیو کې د دوه سوه څلوېښت زره امریکایې ډالرو په ارزښت استنادي دېوالونه جوړ شول. چارواکي وایي د یادو پروژو لګښت د نړیوال خوراكي پروګرام او د جاپان سفارت له لورې ورکړل شوى او په ۹ مياشتو كې يې د جوړېدو چارې بشپړې شوې.
د لغمان په دوو ولسوالیو کې د دوه سوه څلوېښت زره امریکایې ډالرو په ارزښت استنادي دېوالونه جوړ شول.
چارواکي وایي د یادو پروژو لګښت د نړیوال خوراكي پروګرام او د جاپان سفارت له لورې ورکړل شوى او په ۹ مياشتو كې يې د جوړېدو چارې بشپړې شوې.
د لغمان د والي ویاند سرحدي ځواک کلید ته وویل، چې د ده زیارت او میا خان کڅ د استنادي دېوالونو دوه بېلا بېلو پروژو په بشپړېدو سره لسګونه کورونه او سلګونه جریبه کرنیزه ځمکه د اوبو او سېلابونو له ګواښ څخه خوندی شوه.
ځواك زياته كړه، په یادو پروژو کې یوه هغه د ده زیارت سیمې استنادي دېوال دى، چې د الیشنګ سیند پرغاړه د ۲۰۰ مترو په اوږدوالي رغول شوى.
دى وايي، د دې پروژې چارې د پنځو میاشتو په موده کې پشپړې شوې او ۹۰ زره ډالره لګښت پرې راغلى، چې د خوړو نړیوال سازمان له لورې ورکړل شوى دى.
د ځواک په وينا، د دې استنادي دېوال په جوړېدو سره د ده زیارت لوی پل، چې د مهترلام جنوب برخه د مهترلام ښار سره نښلوي هم د سېلابونو له ګواښ څخه ژغورل شوې.
ده زياته كړه، دویمه رغنیزه پروژه د میا خان کڅ ۲۵۰ متره استنادي دېوال دی، چې د جاپان سفارت له لورې د د یوسلو پنځوس زره امریکايي ډالرو په لګښت د څلور میاشتو په موده کې جوړ شو.
د ده د معلوماتو له مخې، دا استنادي دېوال ۲ متره پراخوالی او ۴ متره لوړوالی لري.
دا په داسې حال کې ده، چې د ختیځ د نورو ولایتونو په څېر لغمان په یو شمېرو ولسوالیو کې هم وخت ناوخت د سختو ورښتونو او سېلابونو له امله ډېرې کرنیزې ځمکې په اوبو لاهو کېږي.
کلید ګروپ په ټویټر او فیسبوک کې وګورئ
