د ملګرو ملتونو امنيت شورا بېړنۍ غونډې په مالي کې د اسلامي بنسټ پالو پرضد د فرانسې د پوځي لاس وهنې پراخ او ټينګ ملاتړ وکړ. تر غونډې وروسته په ملګرو ملتونو کې د فرانسې سفير وويل، هيله من دى، چې په مالي کې به د ژمنه شويو افريقايي ځواکونو ځاى پر ځاى کېدل ګړندي شي.
د ملګرو ملتونو امنيت شورا بېړنۍ غونډې په مالي کې د اسلامي بنسټ پالو پرضد د فرانسې د پوځي لاس وهنې پراخ او ټينګ ملاتړ وکړ.
تر غونډې وروسته په ملګرو ملتونو کې د فرانسې سفير وويل، هيله من دى، چې په مالي کې به د ژمنه شويو افريقايي ځواکونو ځاى پر ځاى کېدل ګړندي شي.
له دې وړاندې د فرانسې د بهرنيو چارو وزيرلاورينت فابيوس ويلي و، چې فرانسه د ټول مالي د کنټرول هوډ نه لري.
د امريكا د بهرنيو چارو وزارت ويانده ويکټوريا نولانډ وايي، هېواد يې په مالي کې د پوځي لاس وهنې هوډ نه لري، خو د فرانسې د ګام هرکلى کوي.
بلخوا د بريتانيا لومړي وزير ډېوېډ کاميرون ويلي، چې دوى د لومړنيو کسانو له ډلې څخه وو، چې د فرانسې له پرېکړې يې ملاتړ اعلان کړ.
د هغه په وينا، بريتانوي ځواکونه به په جګړه کې ښکېل نه وي.
د رپوټونو له مخې، د بريتانيا ځينې ځمکني ځواکونه د مالي پايتخت ته رسېدلي، چې د ټرانسپورټي الوتکو په رسېدو کې مرسته وکړي.
کلید ګروپ په ټویټر او فیسبوک کې وګورئ
