په قبايلي سيمې شمالي وزيرستان کې تېره ورځ د پاکستاني پوځ پر يوه موټر د سړك غاړې ماين چاودنه شوې، چې له كبله يې ۱۴ پاكستاني سرتېري وژل شوي او ۱۱ نور ټپيان دي.
په قبايلي سيمې شمالي وزيرستان کې تېره ورځ د پاکستاني پوځ پر يوه موټر د سړك غاړې ماين چاودنه شوې، چې له كبله يې ۱۴ پاكستاني سرتېري وژل شوي او ۱۱ نور ټپيان دي.
په اسلام اباد کې استخباراتي سرچينې وايي، چاودنه د شمالي وزيرستان د رزمک د دوسلې تحصيل په دم ډيل سيمه کې پر پوځي کاروان رامنځ ته شوې ده.
د سرچينې په وينا، دغه چاودنه د لويې لارې پر سر د خښ کړل شوي ريموټ کنټرول ماين په وسيله شوې ده.
تراوسه د دغې پېښې پړه چا پر غاړه نه ده اخيستې.
پر پاكستاني سرتېرودا بريد د پاكستاني طالبانو ترهغې اعلاميې يوازې يوه ورځ وروسته کېږي، چې دغې ډلې په شمالي وزيرستان کې پر پاکستاني ځواکونو د بريدونو نه کولو خبر ورکړ.
کلید ګروپ په ټویټر او فیسبوک کې وګورئ
