د امريكا جمهوررئيس بارک اوباما د دوشنبې په ورځ په يو لړ مراسمو کې د دفاع وزارت او د دغه هېواد د استخباراتي ادارې سي آي اې د رياست لپاره دوې نوې څېرې ونومولې.
د امريكا جمهوررئيس بارک اوباما د دوشنبې په ورځ په يو لړ مراسمو کې د دفاع وزارت او د دغه هېواد د استخباراتي ادارې سي آي اې د رياست لپاره دوې نوې څېرې ونومولې.
جمهوررئيس اوباما په سپينه ماڼۍ کې چک هېګل (Chuck Hagel) د دفاع د وزير او جان برېنن (John Brennan) د سي آى اې يا د امريکا د استخباراتي ادارې د رئيس په توګه ونومول.
اوباما هېګل او برېنن د امريکا د دغو دوو خورا مهمو امنيتي او دفاعي چوکيو لپاره غوره انتخابونه وبلل.
هغه د جان برېنن کارونه او کاري تجربه وستايله او ويې ويل، چې تل يې له هغه څخه مرسته غوښتې او په دې خاطر ترې منندوى دى.
بارك اوباما د دفاع د وزير په توګه د چک هېګل له نومونې هم دفاع وکړه او زياته يې كړه، چې دى يوه نوې څېره ده، خو د امريکا د ملي ګټو ښه ساتنه کولى شي.
په دې مراسمو كې د امريكا د دفاع اوسنی وزير ليون پنيتا هم حاضر و او د خپلې دورې ځينې برياوې يې يادې کړې.
کلید ګروپ په ټویټر او فیسبوک کې وګورئ
