د پاكستان په کراچۍ ښار کې د يوې بمي چاودنې له كبله درې تنه وژل شوي او له څلوېښتو زيات ټپيان دي. پاكستاني پوليس وايي، چې بم په يوه موټر سايکل کې ځاى پرځاى شوى وو او د ښار د عمده سياسي ګوندونو له خوا د يوې تنظيم شوې غونډې موټرو ته
د پاكستان په کراچۍ ښار کې د يوې بمي چاودنې له كبله درې تنه وژل شوي او له څلوېښتو زيات ټپيان دي.
پاكستاني پوليس وايي، چې بم په يوه موټر سايکل کې ځاى پرځاى شوى وو او د ښار د عمده سياسي ګوندونو له خوا د يوې تنظيم شوې غونډې موټرو ته نږدې يې وچاودېد.
په کراچۍ ښار کې پرون دا لاريون د دوو عمده سياسي ګوندونو متحده قومي غورځنګ او د طاهر القادري په نوم د يوه ديني عالم په مشرۍ د تحريک منهاج القراه له خوا تنظيم شوى وو.
د يو شمېر ټپيانو روغتيايي وضعيت ډېر خراب بلل شوى او له دې كبله ښايي د مړو شمېر زيات شي.
په کراچۍ کې د شنبې په ورځ هم په يوه بس موټر کې چاودنې شپږ تنه ووژل او تر پنځوس زيات يې ټپيان كړل.
کلید ګروپ په ټویټر او فیسبوک کې وګورئ
