د مصر جمهوررئيس محمد مرسي په دې هېواد کې د نوي اساسي قانون هرکلى وکړ او ويې ويل، چې په دې ډول په مصر کې ثبات ټينګېدلاى شي. مرسي پرون په مصر کې د اساسي قانون پر مسوده د ټولپوښتنې د نتايجو تر اعلان وروسته، په ټلويزيوني وينا کې وويل، مصريانو په داسې ټولپوښتنه کې،
د مصر جمهوررئيس محمد مرسي په دې هېواد کې د نوي اساسي قانون هرکلى وکړ او ويې ويل، چې په دې ډول په مصر کې ثبات ټينګېدلاى شي.
مرسي پرون په مصر کې د اساسي قانون پر مسوده د ټولپوښتنې د نتايجو تر اعلان وروسته، په ټلويزيوني وينا کې وويل، مصريانو په داسې ټولپوښتنه کې، چې په بشپړ ډول شفافه ترسره شوې، د اساسي قانون ملاتړ کړى دى.
په مصر کې د اساسي قانون د ټولپوښتنې په اړه وروستي رسمي ارقام د سې شنبې په ورځ خپاره شول، چې وايي نږدې څلور شپېته فيصده راى وركوونکو د قانون ملاتړ کړى وو.
د مصر جمهوررئيس پرون نوى اساسي قانون لاسليک کړ او پر ټولو سياسي قدرتونو يې غږ وکړ، چې د ملي اتحاد لپاره په ډيالوګ کې شريک شي.
نوموړي د اپوزيسيون د پلويانو دا ادعاوې رد کړې، چې وايي په ټولپوښتنه کې درغلي او له قانون څخه سرغړونه شوې ده.
کلید ګروپ په ټویټر او فیسبوک کې وګورئ
