د امريکا دفاع وزير ليون پنيتا وايي، چې په افغانستان کې امريکايي قومندانان باور لري، چې د دوي پوځيانو او متحدانو يې له يوولس کلونو وروسته د جګړې انډول بدل کړى دى.
د امريکا دفاع وزير ليون پنيتا وايي، چې په افغانستان کې امريکايي قومندانان باور لري، چې د دوي پوځيانو او متحدانو يې له يوولس کلونو وروسته د جګړې انډول بدل کړى دى.
د اسوشيېټېډ پريس خبري اژانس د راپور له مخې، پنيتا تېره ورځ په واشنګټن کې خبريالانو ته وويل، نړيوال پوځي ايتلاف د تاوتريخوالي د زياتېدو بهير چې له تېرو پنځو کلونو راهيسي پر له پسې مخ پر تېزېدو و، درولى دى.
نوموړي دا هم وويل، چې افغان امنيتي ځواکونه تيار دي، چې راتلونکى کال د ټول هېواد د امنيتي چارو مسووليتونه پر غاړه واخلي.
پنيتا تېره اوونۍ په افغانستان کې دوې ورځې تېرې کړې او له امريکايي قومندانانو او د افغانستان د حکومت له چارواکو سره يې سلا مشورې وکړې.
کلید ګروپ په ټویټر او فیسبوک کې وګورئ
