د روسيې د بهرنيو چارو وزير سرګي لاوروف وايي، چې په افغانستان کې د ناټو په مشرۍ نړيوال ځواکونه هغه دندې په سم ډول نه ترسره کوي، چې د ملګرو ملتونو امنيت شورا ورته ټاکلي دي.
د روسيې د بهرنيو چارو وزير سرګي لاوروف وايي، چې په افغانستان کې د ناټو په مشرۍ نړيوال ځواکونه هغه دندې په سم ډول نه ترسره کوي، چې د ملګرو ملتونو امنيت شورا ورته ټاکلي دي.
د ايترتاس خبري اژانس د راپور له مخې، لاوروف دا څرګندونې تېره ورځ په تاشکند کې د ازبکستان له بهرنيو چارو وزير عبدالعزيز کمالوف سره په کتنه کې وکړې.
د روسيې د بهرنيو چارو وزير له خپل ازبک سيال سره د خپلو خبرو په اړه خبريالانو ته وويل، چې دوى د ۲۰۱۴ کال په پاى کې له افغانستانه د نړيوالو ځواکونو د وتلو په ګډون د سيمې د ستونزو په اړه خبرې وکړې او نظرونه يې سره ورته وو.
نوموړي زياته كړه، د ازبکستان له چارواکو سره يې په دې خبرې وکړې، چې په څه ډول له افغانستان څخه منځنۍ اسيا ته د ترهګرۍ او نشه يي توكو د قاچاق د مخنيوي لپاره په ګډه کار وکړي.
کلید ګروپ په ټویټر او فیسبوک کې وګورئ
