د امريکا د بهرنيو چارو وزيرې هيلري کلېنټن له نړيوالو لوبغاړو، چې پر سوريې نفوذ لري وغوښتل، چې په ګډې هڅې سره د سوريې ٢١مياشتنى کړکېچ پايته ورسوي.
د امريکا د بهرنيو چارو وزيرې هيلري کلېنټن له نړيوالو لوبغاړو، چې پر سوريې نفوذ لري وغوښتل، چې په ګډې هڅې سره د سوريې ٢١مياشتنى کړکېچ پايته ورسوي.
کلېنټن د پنج شنبې په ورځ د ايرلنډ په مرکز دوبلين کې له خپل روسي سيال سرګي لاوروف او نړيوال استازي اخضر ابراهيمي سره د امنيتي غونډې په څنډه کې خبرې وکړې.
د امريکا د بهرنيو چارو وزيرې، چې پرون يې د بريتانيا تر ولکې لاندې شمالي ايرلنډ په بيلفاست ښار کې خبرې کولې وويل، امريکا او روسيې د سياسي انتقال لپاره د سوريې په کړکېچ کې د ټولو اړخونو د منځګړو هڅو پر ملاتړ توافق وکړ.
د هغې په وينا، د سوريې جمهوررئيس بشارالاسد بايد په سوريه کې د يوه ډيموکراټيک راتلونکي لپاره له خپل واک څخه لاس واخلي.
د سوريې د کورنۍ جګړې ٢١مياشتې کېږي، چې اټکل کېږي په نتجه کې يې لږ تر لږه ٤٠زره کسان وژل شوي دي.
کلید ګروپ په ټویټر او فیسبوک کې وګورئ
