په سوريه کې د بشري حقونو فعالان وايي، د دمشق په لمنو کې دوو موټر بم چاودنو لږ تر لږه پنځوس تنه وژلي او لسګونه نور يې ټپيان کړي دي. حکومتي خبري اژانس سانا وايي، تروريستان د دې بريدونو تر شا دي، چې د جارمانا سيمې ختيځ ته شوې دي.
په سوريه کې د بشري حقونو فعالان وايي، د دمشق په لمنو کې دوو موټر بم چاودنو لږ تر لږه پنځوس تنه وژلي او لسګونه نور يې ټپيان کړي دي.
حکومتي خبري اژانس سانا وايي، تروريستان د دې بريدونو تر شا دي، چې د جارمانا سيمې ختيځ ته شوې دي.
بل لور ته د سوريې په شمال کې ياغيان ادعا کوي، چې دوى د دارة العزة په ښارګوټي کې يوه حکومتي الوتکه نسکوره کړې او پيلوټ يې نيولى دى.
رپوټونه وايي، داسې ښکاري، چې جېټ الوتکه په توغندي ويشتل شوې وي.
د بشري حقونو فعالان اټکل کوي، چې په سوريه کې د دوه زره يوولسم کال د مارچ له مياشتې راهيسې د بشار الاسد د رژيم پرضد په پيل شوي پاڅون کې تر څلوېښت زره ډېر کسان وژل شوي دي.
کلید ګروپ په ټویټر او فیسبوک کې وګورئ
