يو لوړ رتبه امريکايي چارواكى وايي، چې جمهوررئيس بارک اوباما له ۲۰۱۴ کال وروسته په افغانستان کې د شاوخوا لسو زرو امريکايي سرتېرو د ساتلو پر پلانونو غور کوي.
يو لوړ رتبه امريکايي چارواكى وايي، چې جمهوررئيس بارک اوباما له ۲۰۱۴ کال وروسته په افغانستان کې د شاوخوا لسو زرو امريکايي سرتېرو د ساتلو پر پلانونو غور کوي.
دغه امريکايي چارواکي د خپل نوم نه ښودلو په شرط فرانس پرېس خبري اژانس ته ويلي، چې سپينه ماڼۍ دا مهال له ۲۰۱۴ کال وروسته په افغانستان کې له ۶ زرو تر پينځلسو زرو امريکايي سرتېرو د ساتلو پلانونه څېړي.
د متحده ايالاتو د دفاع د وزارت وياند بيا په دې اړه، چې څومره شمېر سرتېري به په افغانستان کې د امريکا د پوځي ماموريت له پاى ته رسېدو وروسته پاتې کېږي، له څه ويلو ډډه کړې ده.
د امريکا ددفاع وزارت وياند جورج ليټل د فرانسې خبري اژانس ته ويلي، چې له ۲۰۱۴ کال وروسته به په افغانستان کې د امريکايي ځواکونو هر ډول حضور د افغان حکومت د بلنې او غوښتنې پر اساس وي.
کلید ګروپ په ټویټر او فیسبوک کې وګورئ
