د امريکا د متحدو ايالتونو جمهوررئيس بارک اوباما د يکشنبې په ورځ د پخوانيو سرتېرو د ياد د ورځې په مناسبت خبرو کې امريکايانو ته وويل، چې په عراق او افغانستان کې د دردناکې جګړې لسيزه په پاى ته رسېدو ده.
د امريکا د متحدو ايالتونو جمهوررئيس بارک اوباما د يکشنبې په ورځ د پخوانيو سرتېرو د ياد د ورځې په مناسبت خبرو کې امريکايانو ته وويل، چې په عراق او افغانستان کې د دردناکې جګړې لسيزه په پاى ته رسېدو ده .
بارک اوباما د ارلينګټن په هديره کې د هغو سرتېرو ياد ته د درناوي په خاطر، چې د پوځي خدمت پر مهال مړه شوي، د ګلو ګېډۍ کېښوده .
نوموړي له عراق څخه د امريکايي سرتېرو د ايستلو او همدارنګه له افغانستان څخه د محاربوي امريکايي سرتېرو د تدريجې وتنې يادونه وکړه او ويې ويل، سږ کال د لومړي ځل لپاره دوى د پخوانيو سرتېرو د ياد ورځ په داسې حال کې لمانځي، چې په عراق کې امريکايي سرتېري جګړه نه کوي او نه وژل کيږي .
د امريكا جمهوررئيس بارک اوباما د ۲۰۰۱ ميلادي کال د سيپټمبر له يوولسمې نېټې څخه وروسته په جګړو کې برخه اخيستونکي سرتېري وستايل او ويې ويل، چې دوى په عراق کې د صدام حسين رژيم نسکور کړ ، په افغانستان کې يې طالبان په شا وتمبول او په پاکستان کې يې اسامه بن لادن وواژه .
کلید ګروپ په ټویټر او فیسبوک کې وګورئ
