پټريوس له خپلې دندې استعفى وکړه

د امريکا د مرکزي استخباراتو د ادارې يا (CIA) مشر ډېوېډ پټريوس له خپلې دندې استعفى وکړه. پټريوس پرون په يوه اعلاميه کې اعتراف کړى، چې د واده له چوکاټه بهر يې له چا سره اړيکې درلودې او نور دى غوره کس نه دى، چې د امريکا د

د امريکا د مرکزي استخباراتو د ادارې يا (CIA) مشر ډېوېډ پټريوس له خپلې دندې استعفى وکړه.

پټريوس پرون په يوه اعلاميه کې اعتراف کړى، چې د واده له چوکاټه بهر يې له چا سره اړيکې درلودې او نور دى غوره کس نه دى، چې د امريکا د استخباراتي ادارې د مشر په توګه خپل کار ته دوام ورکړي.

د پټريوس له واده ٣٧ کاله تېرېږي او ده ويلي، له ځانه يې ډېر کمزورى قضاوت ښودلى دى.

د CIA مرستيال “مايکل مورل” د سرپرست مشر په توګه نومول شوى دى.

جمهوررئيس بارک اوباما د پټريوس استعفى منلې ده.

بارک اوباما په يوه اعلاميه کې پټريوس د خپل نسل يو له غوره جنرالانو بللى او ډاډ يې څرګند کړى، چې CIA به خپل پرمختګ ته دوام ورکړي.