په امريکا کې نن د ټاکنيز کمپاين وروستۍ ورځ ده او د دواړو کانديدانو ډېره توجه هغو ايالتونو ته ده، چې د امريکا لپاره يې د راتلونکي جمهوررئيس په ټاکنه کې رايې د اهميت وړ بلل کيږي.
په امريکا کې نن د ټاکنيز کمپاين وروستۍ ورځ ده او د دواړو کانديدانو ډېره توجه هغو ايالتونو ته ده، چې د امريکا لپاره يې د راتلونکي جمهوررئيس په ټاکنه کې رايې د اهميت وړ بلل کيږي.
جمهوررئيس باراک اوباما د خپل کمپاين وروستۍ ورځ له وسکانسن ايالت نه پيلوي، چې له هغه وروسته به اييوا او اوهايو ايالتونو ته هم سفر وکړي.
د هغه سيال مېټ رامني به د کمپاين په وروستۍ ورځ فلوريډا، ورجينيا، نيو همپشاير او اوهايو ايالتونه ته مخه کړي.
باراک اوباما د يکشنبې په ورځ په نيو همپشاير او فلوريډا ايالتونو کې ټاکنيزو غونډو ته ويناوې وکړې، خو د جمهوريت غوښتونکو کانديد مېټ رامني په پينسلوانيا ايالت کې وليدل شو.
د رامني د ټاکنيز ټيم په وينا، داسې ښکاري، چې په ممکنه ډول اوس په دې ايالت کې جمهوري غوښتونکى کانديد بريالى دى.
د يکشنبې په ورځ له هغو نظر پوښتنو، چې له اوهايو نه خپرې شوې، جوته شوه، چې جمهوررئيس اوباما د خپل سيال مېټ رامني په پرتله ايله دوه فيصده مخكې دى.
کلید ګروپ په ټویټر او فیسبوک کې وګورئ
