د خيبر پښتونخو ايالت په بونير سيمه کې د يوه ځانمرګي بريد له كبله د امن لښکر د مشر په ګډون پنځه تنه وژل شوي دي. په بونير کې د ايازخان په نوم يوه دولتي چارواکي وويل، چې دغه بريد تېره ورځ له غرمې وروسته شاوخوا دوه نيمې بجې وشو.
د خيبر پښتونخو ايالت په بونير سيمه کې د يوه ځانمرګي بريد له كبله د امن لښکر د مشر په ګډون پنځه تنه وژل شوي دي.
په بونير کې د ايازخان په نوم يوه دولتي چارواکي وويل، چې دغه بريد تېره ورځ له غرمې وروسته شاوخوا دوه نيمې بجې وشو.
د هغه په وينا، پر موټرسايکل سپور ځانمرګي بريدكوونكي په سيمه کې د جوړ شوي امن لښکر د مشر فتح خان له موټر سره خپل موټر سايکل وجنګاوه، چې په دې چاودنه کې د فتح خان په ګډون پنځه تنه ووژل شول او د دوى موټر هم له منځه تللى دى.
د يادونې ده، چې فتح خان د بونير ولسوالۍ د قومي امن لښکر مشر و، چې په ٢٠٠٩ ميلادي کال کې له طالب وسلوالو سره جنګېدلى و او د پاکستان دولت ورته صدارتي مډال هم ورکړى و.
کلید ګروپ په ټویټر او فیسبوک کې وګورئ
