د پاكستان جمهوررئيس اصف علي زرداري وايي، چې د ترهګرۍ ضد هڅې به تر خپل منزل پورې رسوي. نوموړي د خيبر پښتونخوا ايالت په نوښار كې د مشهور صوفي کاکا صيب په زيارت كې د وړمې ورځې چاودنه غندلې، چې له كبله يې څلور كسان وژل شوي
د پاكستان جمهوررئيس اصف علي زرداري وايي، چې د ترهګرۍ ضد هڅې به تر خپل منزل پورې رسوي.
نوموړي د خيبر پښتونخوا ايالت په نوښار كې د مشهور صوفي کاکا صيب په زيارت كې د وړمې ورځې چاودنه غندلې، چې له كبله يې څلور كسان وژل شوي او ۲۵ نور ټپيان دي.
جمهوررئيس زرداري پرون په يوه اعلاميه كې ويلي، چې ترهګر به د داسې بريدونو په كولو سره د دوى ضد مبارزه شنډه نه كړي.
د هغه په وينا، ترهګر د بې ګناه خلكو په وژلو سره نړۍ ته خپله اصلي څېره ورښيي.
کلید ګروپ په ټویټر او فیسبوک کې وګورئ
