د ډله ييز امنيتي تړون ټولنه پر يو لړ اقداماتو کار کوي، ترڅو د هغو ستونزو مخه ونيسي، چې ممکن د ۲۰۱۴ کال په پاى کې له افغانستانه د نړيوالو ځواکونو له وتلو وروسته په دې هېواد او ګاونډيو هېوادونو کې رامنځته شي.
د ډله ييز امنيتي تړون ټولنه پر يو لړ اقداماتو کار کوي، ترڅو د هغو ستونزو مخه ونيسي، چې ممکن د ۲۰۱۴ کال په پاى کې له افغانستانه د نړيوالو ځواکونو له وتلو وروسته په دې هېواد او ګاونډيو هېوادونو کې رامنځته شي.
د ايترتاس خبري اژانس د راپور له مخې، دا خبره د ډله ييز امنيتي تړون د ټولنې عمومي منشي نيکولاى بورديوژا پرون په بيجينګ کې وکړه.
بورديوژا وويل، اوس کارپوهان اټکل کوي، چې د ۲۰۱۴ کال په پاى کې د نړيوالو ځواکونو له وتلو وروسته به د افغانستان حالات احتمالاً خورا خراب شي.
د هغه په وينا، ښايي افراطيت زور واخلي او احتمالاً د تروريستي اقداماتو په څېر ستونزې زياتې شي.
بورديوژا د ډله ييز امنيتي تړون ټولنې، د ګډو ګټو د خپلواکو هېوادونو، د يورو اسيا د اقتصادي ټولنې او د شانګهاى د همکارۍ ټولنې د لوړ پوړو چارواکو په درېيمه ګډه غونډه کې د ګډون لپاره د چين پايتخت بيجينګ ته تللى دى.
کلید ګروپ په ټویټر او فیسبوک کې وګورئ
