په پاکستان کې پر ملالې يوسفزۍ بريد په نړېواله کچه وغندل شو. ملاله يوسفزۍ هغه نجلۍ ده، چې په ۲۰۰۹ کال کې يې په سوات کې د طالبانو د واکمنۍ په اړه خپل ياد داشتونه د نړېوالو سره شريک کړل.
په پاکستان کې پر ملالې يوسفزۍ بريد په نړېواله کچه وغندل شو.
ملاله يوسفزۍ هغه نجلۍ ده، چې په ۲۰۰۹ کال کې يې په سوات کې د طالبانو د واکمنۍ په اړه خپل ياد داشتونه د نړېوالو سره شريک کړل.
ملاله يوسفزۍ پرون د خپل ښوونځي په موټر کې د وسله والو لخوا په سر او غاړه کې وويشتل شوه .
پاکستاني طالبانو پرون د دې حملې مسوليت واخيست .
د پاکستان صدراعظم راجا پرويز اشرف دا حمله وغندله او ملاله يوسفزۍ يې د (پاکستان لور) وبلله.
د امريکا د بهرنيو چارو د وزارت وياندې ويکتوريا نولاند دا حمله وحشيانه او بزدلانه ګڼلې ده .
په وسله والو بحرانونو کې د ماشومانو د ملاتړ لپاره د ملګروملتونو ځانګړې استازې پر ملالې يوسفزۍ حمله په شدت غندلې ده .
رپوټونه وايي، چې ملاله يوسفزۍ لا هم په روغتون کې بستر ده، ډاکټرانو يې د عمليات د بشپړېدو خبر ورکړی او يوه مرمۍ يې د سر څخه ايستل شوې ده.
کلید ګروپ په ټویټر او فیسبوک کې وګورئ
