د پاکستان د شمالي وزيرستان اړوند د ميرعلي په سيمه کې د امريکايي بې پېلوټه الوتکو بريد کې څلور تنه وژل شوي دي. په سيمه کې يوه دولتي چارواکي، چې د نوم له اخيستو يې ډډه کوله وويل، چې تېره شپه شاوخوا اته نيمې بجې امريکايي بې پېلوټه الوتکو د ميرعلي اړوند
د پاکستان د شمالي وزيرستان اړوند د ميرعلي په سيمه کې د امريکايي بې پېلوټه الوتکو بريد کې څلور تنه وژل شوي دي.
په سيمه کې يوه دولتي چارواکي، چې د نوم له اخيستو يې ډډه کوله وويل، چې تېره شپه شاوخوا اته نيمې بجې امريکايي بې پېلوټه الوتکو د ميرعلي اړوند د موسکي په کلي کې پر يوه کور بريد وکړ.
د هغه په وينا، دغو الوتکو پر يوه کور دوه توغندي وتوغول، چې له كبله يې څلور تنه ووژل شول.
نوموړي زياته کړه، چې د وژل شوو پېژندګلوي نه کېږي او تر اوسه نه ده په ډاګه، چې دغه کسان د سيمې اوسېدونکي وو که بهرنيان.
په روان ميلادي کال کې پر شمالي وزيرستان دا څلوردېرشم بريد دى، چې د امريکايي بې پېلوټه الوتکو لخوا ترسره كېږي.
کلید ګروپ په ټویټر او فیسبوک کې وګورئ
