د خوست– ګردېز د لويې لارې د جوړولو چارې تېره ورځ د فوايد عامې وزارت له خوا، چې د امريکا په مالي لګښت جوړېږي، پيل شوې. دغه پنځم ځل دى، چې د خوست- ګردېز ترمنځ د لويې لارې د جوړېدو پرانيسته کېږي، خو د بېلابېلو پټو لاملونو له امله يې چارې بيا په ټپه درېږي.
د خوست– ګردېز د لويې لارې د جوړولو چارې تېره ورځ د فوايد عامې وزارت له خوا، چې د امريکا په مالي لګښت جوړېږي، پيل شوې.
دغه پنځم ځل دى، چې د خوست- ګردېز ترمنځ د لويې لارې د جوړېدو پرانيسته کېږي، خو د بېلابېلو پټو لاملونو له امله يې چارې بيا په ټپه درېږي.
د فوايد عامې وزارت تخنيکي مرستيال نورګل منګل وويل، چې ياد سړک ټول ١٠٥ کيلومتره دى، چې اوس يې يواځې د ٣٨ کيلومتره د جوړېدو چارې پاتې دي او نور بشپړ شوى دى.
د هغه په وينا، دا ځل به دوى په خپله د دغه سړک د جوړولو د چارو کلکه څارنه کوي او پرې به نږدي ، چې بيا يې پر وړاندې خنډونه جوړ شي.
نوموړي زياته کړه، چې د جوړېدو چارې يې د المشرق په نوم يو افغاني ساختماني شرکت ته ورکړل شوې او د راتلونکي کال تر نيمايي به يې چارې بشپړې شي، خو د امنيت په برخه کې يې بايد د سيمې خلک مرسته وکړي.
د مراسمو پر مهال د پکتيا والي وويل، چې که د دغه سړک د جوړېدو چارې بيا ودرېدې، نو د بيا ځل لپاره ورته بودجه نه منظوريږي.
د دغه سړک د جوړولو چارې شاوخوا څلور کاله مخکې د يو هندي شرکت له خوا پيل شوې وې، چې تر اوسه يې نږدې ٦٠ سلنه کار بشپړ شوى دى.
کلید ګروپ په ټویټر او فیسبوک کې وګورئ
