په پام کې ده، چې ډېر ژر د پاکستان پوځ د افغانستان او پاکستان په قبایلي سیمو کې د پاکستاني طالبانو او حقاني شبکې پر ضد عملیات پیل کړي. افغان چارواکو هم د دې خبرې پخلی کړی او زیاته کړې یې ده، چې ښايي دغه عملیات له افغان ځواکونو سره په همغږۍ او د پولې په دواړو غاړو کې په یوه وخت پیل شي.
په پام کې ده، چې ډېر ژر د پاکستان پوځ د افغانستان او پاکستان په قبایلي سیمو کې د پاکستاني طالبانو او حقاني شبکې پر ضد عملیات پیل کړي.
افغان چارواکو هم د دې خبرې پخلی کړی او زیاته کړې یې ده، چې ښايي دغه عملیات له افغان ځواکونو سره په همغږۍ او د پولې په دواړو غاړو کې په یوه وخت پیل شي.
ویل کیږي، په دغې سیمې کې د حقاني شبکه مرکزونه او پټنځایونه لري، چې په افغانستان کې د بهرنیو او افغان ځواکونو پر وړاندې جنګیږي.
چارواکو د دغو عملیاتو د پېلېدو نېټه نه ده په ډاګه کړې، خو وايي هدف یې د “پاکستاني طالبانو د پټنځایونو، روزنځایونو او وسله والو له منځه وړل دي”.
د افغانستان د سرحدي پولیسو قوماندان ګل نبي احمدزی وايي، شونې ده دغه عملیات له افغان ځواکونو سره په همغږۍ او د پولې په دواړو غاړو کې په یوه وخت تر سره شي.
ځکه افغان چارواکو ته اندېښنې پیدا شوي، چې د یادو عملیاتو له کبله ښایي پاکستاني طالبان افغانستان ته ور واوړي او د دغه هېواد په سرحدي سیمو کې ځای پر ځای شي.
کلید ګروپ په ټویټر او فیسبوک کې وګورئ
