د ملګرو ملتونو سر منشي بانکي مون په لندن کې د خبرو پرمهال د سوريې له حکومت نه غوښتنه كړې، چې په حلب ښار كې دې د ياغيانو پرضد خپل عمليات بند کړي.
د ملګرو ملتونو سر منشي بانکي مون په لندن کې د خبرو پرمهال د سوريې له حکومت نه غوښتنه كړې، چې په حلب ښار كې دې د ياغيانو پرضد خپل عمليات بند کړي.
همدارنګه نوموړي له سوريې نه د يوې روښانې ژمنې د کولو غوښتنه هم وکړه، چې پرهر ډول حالاتو کې کيمياوي وسلې ونه کاروي.
په عين حال کې د بريتانيا د بهرنيو چارو وزير ويليم هېګ په حلب ښار کې د يوې احتمالي ټول وژنې خبردارى ورکړى او ويلي يې دي، چې هېڅ هېواد بايد غلى پاتې نه شي.
رپوټونه وايي، چې ګڼ شمېر دولتي ځواکونه او ټانکونه د حلب ښار په شاوخوا کې ځاى پرځاى شوي او د ياغيانو تر کنټرول لاندې سيمو کې سخته بمباري شوې ده.
د جمعې په ورځ د سوريې په جګړو کې شاوخوا دېرش تنه وژل شوي دي.
کلید ګروپ په ټویټر او فیسبوک کې وګورئ
